ດ້ານຄວາມຮູ້:

• ຈຳແນກທິດສະດີຫລັກການທາງດ້ານພາສີອາກອນ ໄດ້ຢ່າງເຫມະສົມໃນການປະຕິບັດວຽກງານທີ່ຕິດພັນກັບຂົງເຂດການພັດທະນາວາງແຜນ ເສດຖະກິດສັງຄົມ
• ວາງແຜນການຈັດເກັບພາສີອາກອນໄດ້ຢ່າງຖືກຕ້ອງ ແລະ ມີປະສິດທິພາບ
• ວິເຄາະບັນດາເອກະສານລາຍງານການເງິນໃຫ້ຖືກຕ້ອງຕາມມາດຕະຖານສາກົນດ້ານການລາຍງານການເງິນ ແລະ ຫລັກການກົດຫມາຍພາສີອາກອນ
• ວິເຄາະບັນດາກົດຫມາຍໃນຂົງເຂດເສດຖະກິດເຂົ້າໃນນະໂຍບາຍດ້ານພາສີອາກອນ

ດ້ານການນຳໃຊ້: 

• ໃຊ້ຄວາມຮູ້ທາງດ້ານບັນຊີ, ພາສີອາກອນໄປໃຊ້ໃນການກວດສອບ ແລະ ຮັບປະກັນໃຫ້ຖືກຕ້ອງຕາມມາດຕະຖານການກວດສອບ ໂດຍສະເພາະແຫນງການທີ່ກ່ຽວຂ້ອງກໍ່ຄືຂະແຫນງການພາສີອາກອນ.
• ນຳໃຊ້ທິດສະດີພາສີອາກອນໄດ້ຢ່າງເຫມາະສົມໃນການປະຕິບັດວຽກງານທີ່ຕິດພັນກັບຂົງເຂດການພັດທະ ນາວາງແຜນ ເສດຖະກິດສັງຄົມ
• ຜັນຂະຫຍາຍແນວທາງນະໂຍບາຍ ແລະ ວິທີແກ້ໄຂບັນຫາໃຫ້ສອດຄ່ອງກັບຫລັກການພາສີອາກອນ ປະຕິບັດນະໂຍບາຍການ ນຳເຂົ້າ ແລະ ສົ່ງອອກໃນວຽກງານການຂົນສົ່ງ ແລະ ຊິບປິ້ງຕາມຫລັກການຂອງພາສີອາກອນ

ດ້ານທັກສະ:

• ນຳໃຊ້ພາສາຕ່າງປະເທດ ແລະ ເທັກໂນໂລຢີທີ່ທັນສະໄຫມເຂົ້າໃນການດຳເນີນວຽກງານພາສີອາກອນ ຢ່າງຄ່ອງແຄ້ວ ແລະ ມີວີທະຍາສາດ

ດ້ານທັກສະທາງສັງຄົມ:

• ດຳເນີນການໃຫ້ຄຳປຶກສາດ້ານບັນຊີການເງິນເຂົ້າໃນວຽກງານພາສີອາກອນ ແລະ ເປີດກວ້າງການຮ່ວມມືກັບພາກພື້ນ ແລະ ສາກົນ.
• ປະຕິບັດຈັນຍາບັນທາງດ້ານການເປັນນັກບັນຊີພາສີອາກອນ ແລະ ການກວດສອບຢ່າງເຂັ້ມງວດ
• ເຮັດວຽກເປັນຫມູ່ຄະນະ ແລະ ແກ້ໄຂບັນຫາໃນວຽກງານພາສີອາກອນໄດ້ຢ່າງມີປະສິດທິພາບ

ອາຊີບທີ່ສາມາດປະກອບໄດ້ພາຍຫຼັງສໍາເລັດການສຶກສາ

• ອາຊີບດ້ານວິຊາການ: ຄູອາຈານສອນຢູ່ໃນລະດັບມະຫາວິທະຍາໄລ ແລະ ວິທະຍາໄລ, ນັກຄົ້ນຄວ້າໃຫ້ກັບສະຖາບັນວິໄຈ ແລະ ນັກວິຊາການສະເພາະດ້ານ.
• ອາຊີບພະນັກງານລັດຖະກອນ: ລັດຖະກອນສຳຫລັບໜ່ວຍງານພາກລັດໃນລະດັບສູນກາງ ແລະ ໃນລະດັບ ທ້ອງຖິ່ນ ທີ່ປະກອບສ່ວນວຽກງານໃນຂົງເຂດບັນຊີການເງິນ, ພາສີອາກອນ ແລະ ການກວດສອບເຊັ່ນ: ກະຊວງການເງິນ, ກະຊວງອຸດສາຫະກຳການຄ້າ, ທະນາຄານ....
• ອາຊີບພະນັກງານອົງການຈັດຕັ້ງສາກົນ: ເປັນພະນັກງານບໍລິຫານຜູ້ປະສານງານດ້ານການບັນຊີ, ພາສີອາກອນ ແລະ ກວດສອບເຊັ່ນ: ສະຖາບັນການເງິນຈຸລະພາກ, ບໍລິສັດທີ່ປຶກສາ ການບັນຊີ ແລະ ການກວດສອບ ແລະ ບັນດາທະນາຄານເອກະຊົນ.....
• ອາຊີບໃນພາກເອກະຊົນ: ເປັນຜູ້ປະກອບການໃນຂົງເຂດການບັນຊີ, ພາສີ ແລະ ສາມາດເປັນພະນັກງານບໍລິຫານການເງິນໃນພາກເອກະຊົນ ໂດຍສະເພາະເປັນທີ່ປຶກສາທາງດ້ານພາສີອາກອນໄດ້

• ມີຄວາມຮູ້ທີ່ເປັນເລີດໃນການປະກອບອາຊີບກ່ຽວກັບການວາງແຜນຄຸ້ມຄອງ ແລະແກ້ໄຂບັນຫາວຽກງານການຈັດເກັບງົບປະມານ,  ວຽກງານການວາງແຜນລະບົບພາສີອາກອນ ແລະ ການຄຸ້ມຄອງລາຍຮັບລາຍຈ່າຍຂອງພາກລັດ,ເອກະຊົນ ແລະ ອົງການຈັດຕັ້ງສາກົນ.
• ສາມາດນໍາໃຊ້ຄວາມຮູ້ເຂົ້າໃນການຄຸ້ມຄອງຂອງຂະແໜງເສດຖະກິດການເງິນງົບປະມານ, ການບັນຊີ, ການກວດສອບ ແລະ ສາຂາວິຊາອື່ນໆທີ່ກ່ຽວຂ້ອງໃຫ້ມີປະສິດທິພາບ ເພື່ອໃຫ້ສອດຄ່ອງກັບທຸກລະບຽບການ ແລະ ນິຕິກຳຕ່າງໆໃນຂົງເຂດວຽກງານການເງິນ ພ້ອມທັງສືບຕໍ່ຮຽນຮູ້ຕະຫຼອດຊີວິດ.
• ມີຈັນຍາບັນ, ຈັນຍາທຳໃນວິຊາຊີບ ແລະ ມີຄວາມຮັບຜິດຊອບຕໍ່ສັງຄົມໃນການພັດທະນາເສດຖະກິດສັງຄົມທັງພາຍໃນ, ພາກພື້ນ ແລະ ສາກົນ.