Page 3 of 7
ໝວດທີ 2
ຊັບສິນທາງປັນຍາ
ມາດຕາ 07 ໂຄງປະກອບຂອງຊັບສິນທາງປັນຍາ
ຊັບສິນທາງປັນຍາ ປະກອບດ້ວຍ:
- ຊັບສິນອຸດສະຫາກໍາ ເຊັ່ນ ສິດທິບັດ, ອະນຸສິດທິບັດ; ແບບອຸດສາຫະກໍາ, ເຄື່ອງໝາຍການຄ້າ, ຊື່ການຄ້າ; ແບບຜັງວົງຈອນລວມ; ຖິ່ນກໍາເນີດ; ແລະຄວາມລັບທາງການຄ້າ.
- ລິຂະສິດ ແລະສິດກ່ຽວຂ້ອງກັບລິຂະສິດ ເຊັ່ນ ລິຂະສິດຕໍ່ຜົນງານທາງດ້ານສິລະປະກໍາ, ວັນນະກໍາ ແລະວິທະຍາສາດ ລວມທັງໂປຣແກຣມຄອມພິວເຕີ, ສິດກ່ຽວຂ້ອງກັບລິຂະສິດ ຕໍ່ຜົນງານຂອງຜູ້ສະແດງ, ການຜະລິດການບັນທຶກສຽງ, ພາບ ແລະການກະຈາຍສຽງ-ແຜ່ພາບ.
- ພັນພືດໃໝ່ ເຊັ່ນ ພັນພືດທີ່ມີຢູ່ທົ່ວໄປ ທີ່ໄດ້ຜ່ານການປັບປຸງ ໃຫ້ເປັນພັນພືດໃໝ່ ຫຼື ພັນພືດ ທີ່ຄົ້ນພົບໃນທໍາມະຊາດ ແລ້ວນໍາມາພັດທະນາໃຫ້ເປັນພັນພືດໃໝ່.