ດ້ານຄວາມຮູ້

ສື່ສານເປັນພາສາຝຣັ່ງໃນ 4 ທັກສະໄດ້ທຽບເທົ່າກັບລະດັບ DELF B2 (CECRL).

ຈໍາແນກໄດ້ທິດສະດີພື້ນຖານຂອງວິຊາ: ການແປ, ການທ່ອງທ່ຽວ ແລະ ທຸລະກິດ.

ສົມທຽບໄດ້ຄວາມແຕກຕ່າງທາງດ້ານ ປະຫວັດສາດ, ພູມສາດ, ເສດຖະກິດ, ວັດທະນະທໍາ-ສັງຄົມຂອງປະເທດລາວ-ຝຣັ່ງ ແລະບັນດາປະເທດທີ່ໃຊ້ພາສາຝຣັ່ງໃນພາກພື້ນກໍຄືສາກົນ.

ດ້ານທັກສະ

ພົວພັນທາງການເວົ້າ-ການຂຽນໄດ້ດີໃນແຕ່ລະບໍລິບົດ. 

ໝູນໃຊ້ຄວາມຮູ້ທາງດ້ານວິຊາສະເພາະເຂົ້າໃນການປະກອບອາຊີບໃນຂະແໜງການຕ່າງໆ.

ວິເຄາະບັນຫາ ຫລື ສະຖານະການ, ມີໄຫວພິບໃນການແກ້ໄຂບັນຫາສະເພາະຫນ້າ ແລະປັບຕົວເຂົ້າກັບສະພາບການຕົວຈິງໄດ້ດີ.

ດ້ານການນໍາໃຊ້

ຜັນຂະຫຍາຍຄວາມຮູ້ທາງດ້ານພາສາຝຣັ່ງ ເຂົ້າໃນຊີວິດປະຈໍາວັນ ແລະການປະກອບອາຊີບ.

ດ້ານທັກສະທາງສັງຄົມ

ສື່ສານກັບຜູ້ທີ່ນຳໃຊ້ພາສາຝຣັ່ງໃນສະຖານະການຕ່າງໆທາງສັງຄົມ.

ປະຕິບັດໜ້າທີ່ວຽກງານເປັນໝູ່ຄະນະຢ່າງມີຈັນຍາບັນ, ຈັນຍາທຳ ແລະ ຄວາມຮັບຜິດຊອບສູງ.

ເຜີຍແຜ່ຄວາມຮູ້ທາງດ້ານວິຊາສະເພາະຢ່າງມີຄວາມຮັບຜິດຊອບ, ປະກອບສ່ວນໃນການຊ່ວຍເຫຼືອ

ແລະພັດທະນາສັງຄົມດ້ວຍຄວາມສະໝັກໃຈ.