ດ້ານຄວາມຮູ້: 

ຈໍາແນກທິດສະດີ, ຫຼັກການ 4 ທັກສະ, ໄວຍາກອນ ແລະ ການແປພາສາຫວຽດ-ລາວ, ລາວ-ຫວຽດ ທີ່ຖືກຕ້ອງ.

ສົມທຽບຄວາມຄື ແລະ ຄວາມແຕກຕ່າງໃນຫຼັກການໄວຍາກອນລະຫວ່າງພາສາລາວ ແລະ ພາສາຫວຽດ.

ຈໍາແນກລັກສະນະວັດທະນະທໍາ, ການເມືອງ, ເສດຖະກິດ-ສັງຄົມ, ການພົວພັນຕ່າງປະເທດ ແລະ ສະພາບການໂດຍລວມຂອງຫວຽດນາມ.

ດ້ານທັກສະ:​ 

ໝູນໃຊ້ພາສາຫວຽດນາມໃຫ້ແທດເໝາະກັບເຫດການ, ສະຖານະການຢ່າງຄ່ອງແຄ່ວ ແລະ ຖືກຕ້ອງໃນການສື່ສານກັບຄົນຫວຽດນາມ ຫຼືຊົນຊາດອື່ນທີ່ໃຊ້ພາສາຫວຽດ.

ແກ້ໄຂວຽກງານ, ບັນຫາສະເພາະໜ້າໄດ້ຢ່າງມີສະຕິ ແລະ ຮອບຄອບ.

ໝູນໃຊ້ສື່ ແລະ ແຫຼ່ງຂໍ້ມູນຕ່າງໆທີ່ເປັນພາສາຫວຽດເພື່ອພັດທະນາ, ຍົກລະດັບຕົນເອງຢ່າງບໍ່ຢຸດຢັ້ງ.

ດ້ານການນໍາໃຊ້:

ນໍາໃຊ້ພາສາຫວຽດນາມເຂົ້າໃນການສື່ສານໂດຍສະເພາະແມ່ນການແປ, ການພົວພັນກັບຄົນຫວຽດນາມໃນທຸກໆຂົງເຂດວຽກງານຢູ່ໃນອົງກອນ ແລະ ການດໍາເນີນຊີວິດຢູ່ໃນສັງຄົມ.

ດໍາເນີນການຄົ້ນຄວ້າວິໄຈ, ຮຽບຮຽງຫຼືຂຽນບົດປະພັນຕ່າງໆຈາກແຫຼ່ງຂໍ້ມູນທັງຂອງລາວ ແລະ ຫວຽດນາມ.

ຮ່າງເອກະສານທີ່ເປັນພາສາຫວຽດນາມທັງເອກະສານທາງການ ແລະ ເອກະສານທົ່ວໄປ.

ດ້ານທັກສະທາງສັງຄົມ:

ປະຕິບັດໜ້າທີ່ວຽກງານຢ່າງມີຈັນຍາບັນ, ມີຄວາມຮັບຜິດຊອບສູງ.

ຈໍາແນກໄດ້ມິດ ແລະ ສັດຕູ.