ສຶກສາທ່າແຮງໃນການຂະຫຍາຍອ່າງເກັບນໍ້າ ແລະ ການຜະລິດພະລັງງານຢູ່ເຂື່ອນໄຟຟ້ານໍ້າສະນາ 1, ເມືອງກາສີ,ແຂວງວຽງຈັນ
- ຊື່ບົດຄົ້ນຄວ້າ: ສຶກສາທ່າແຮງໃນການຂະຫຍາຍອ່າງເກັບນໍ້າ ແລະ ການຜະລິດພະລັງງານຢູ່ເຂື່ອນໄຟຟ້ານໍ້າສະນາ 1, ເມືອງກາສີ,ແຂວງວຽງຈັນ
- ບົດຄັດຫຍໍ້: ເຂື່ອນໄຟຟ້ານໍ້າສະນາ1ມີແຜນທີ່ຈະເພີ່່ມກຳລັງການຜະລິດເພື່ອຕອບສະຫນອງຄວາມຕ້ອງການໃນການນຳໃຊ້ພະລັງງານໄຟຟ້າຢູ່ພາຍໃນ.ການຂະຫຍາຍອ່າງເກັບນໍ້າແມ່ນຫນຶ່ງໃນວິທີທີ່ຈະສ້າງອ່າງເກັບນໍ້າ ແລະ ການຜະລິດພະລັງງານເຊັ່ນກັນ.ດັ່ງນັ້ນ,ຈຸດປະສົງຂອງການສຶກສາແມ່ນເພື່ອ: 1).ກຳນົດຂະຫນາດຂອງອ່າງເກັບນໍ້າໃຫມ່ໃນຂບໍລິເວນຝາຍກັນນໍ້າໃນເຂື່ອນ,2).ສຶກສາການຜະລິດພະລັງງານເມື່ອມີການຂະຫຍາຍອ່າງເກັບນໍ້າໃຫມ່ ແລະ 3).ວິເຄາະຜົນຕອບແທນໃນເວລາທີ່ເຂື່ອນໄດ້ມີການຂະຫຍາຍອ່າງເກັບນໍ້າ ແລະ ດຳເນີນການຜະລິດພະລັງງານ.ໂດຍພື້ນຖານແລ້ວ,ການສຶກສາດັ່ງກ່າວແມ່ນຈະໄດ້ອີງໃສ່ຂໍ້ມູນທີ່ມີຢູ່ໃນລະຫວ່າງປີ 2015-2018 ແລະ ນຳໃຊ້ໂປຣແກຣມ MS Excel ແລະ ແບບຈຳລອງ NAM ເປັນເຄື່ອງມືໃນການຄິດໄລ່ບໍລິມາດຂອງນໍ້າ ແລະ ຂໍ້ມູນທາງດ້ານອຸທົກກະສາດເຊິ່ງໄດ້ຈຳແນກອອກເປັນສາມກໍລະນີໂດຍອີງໃສ່ຂໍ້ມູນການໄຫລເຂົ້າຂອງນໍ້າໃນ:ປີແຫ້ງແລ້ງ,ປີປົກກະຕິ ແລະ ປີມີນໍ້າ.ດັ່ງນັ້ນ,ຜົນການສຶກສາພົບວ່າ:ຂະຫນາດໃນການຂະຫຍາຍອ່າງເກັບນໍ້າໄດ້ບໍລິມາດນໍ້າຫລາຍສຸດແມ່ນ 264,870 m3,ເຊິ່ງມີຜົນຕ່າງລະຫວ່າງລະດັບນໍ້າ 642.00 masl ແລະ ຕໍ່າສຸດແມ່ນ 638.00 masl.ບໍລິມາດນໍ້າທີ່ໃຊ້ໃນການຜະລິດພະລັງງານໄຟຟ້າແມ່ນ: 199,291 m3 ເຊິ່ງລະດັບນໍ້າຈາກຈຸດ 639.00 masl ຫາຈຸດສູງສຸດ 642.00 masl ທີ່ສາມາດຜະລິດພະລັງງານໄຟຟ້າໄດ້,ໂດຍສະເລ່ຍໃນສາມກໍລະນີ: ກຳລັງການຜະລິດພະລັງງານເພີ່ມຂື້ນ2,559,906 kWh /ປີ, ຄ່າຂອງ Plant factor ເພີ່ມຂື້ນ 2.09%. ສະຫລຸບລວມແລ້ວເຫັນວ່າ:ຜົນຕອບແທນແມ່ນ 1,505,224,744 kip/ປີ,ເຊິ່ງມີມູນຄ່າໃນການລົງທຶນທັງຫມົດແມ່ນ 6,643,120,000 kip ແລະ ຈະໄດ້ໃຊ້ເວລາປະມານ 4.5 ປີໃນການຈ່າຍເງິນຄືນ
- ຄຳຊອກຫາ: Plant Factor, ການຂະຫຍາຍອ່າງເກັບນໍ້າ, ການຜະລິດພະລັງງານ, ເຂື່ອນໄຟຟ້າ, ແບບຈຳລອງ NAM
- ເນື້ອໃນ: http://research-forum.nuol.edu.la/2020/11/03/%e0%ba%aa%e0%ba%b6%e0%ba%81%e0%ba%aa%e0%ba%b2%e0%ba%97%e0%bb%88%e0%ba%b2%e0%bb%81%e0%ba%ae%e0%ba%87%e0%bb%83%e0%ba%99%e0%ba%81%e0%ba%b2%e0%ba%99%e0%ba%82%e0%ba%b0%e0%ba%ab%e0%ba%8d%e0%ba%b2%e0%ba%8d/